جاري تحميل ... بنت الجزائر

آخر المواضيع

إعلان في أعلي التدوينة

حلويات أم وليدوصفات أم وليدوصفات طبخ

دجاج محمر بتتبيل الأرز | أم وليد 2019 |

السلام عليكم ...

دجاج محمر بتتبيل في الأرز | أم وليد 2019 |

اليوم مع وصفات سريعة و بسيطة مع أم وليد راح نديروا دجاج محمر بالروز و كيس الشواااء .


أهلين و سهلين بجميلات الموقع المحبوبات ، إنشاء الله تكونوا ملاح و زاهيين و باهيين . كيما وعدناكم مرة على مرة نخلعوكم بوصفة تاع أم وليد تكون بنينة و ساهلة في الطياب و خاصة  للمبتدئات لي جدد في عالم الطبخ . المهم الأمور تمام...  مع الطبخة نحتاجوا أشياء بسيطة و متوفرة في كل بيت و أي وحدة تقدر ديرها لأنها وصفة أم وليد و وصفات أم وليد دائما ناجحة و الحمد لله خاصة اللحم و الطياب السريع .

نقترح عليكم الإطلاع على :
1-وصفة الدجاج لأم وليد:

المكونات:

  • فخذ الدجاج { على حسب أفراد العائلة } حنا اليوم معانا 4 طراف جاج "فخذ"
  • التوابل { ملعقة صغيرة عكري + ملعقة صغيرة كركم + ملعقة صغيرة زنجبيل + نص ملعقة صغيرة فلفل أسود + 2 سنات ثووم كبار شويا + الملح + ملعقة طماكم bien sur }

كيما شفنا مكونات بسيطة و سريعة توضيح برك حاولوا تنضفوا الدجاج مليح باسكوا هاذ اليامات نص النساء راهم يعانيو من الجاج ماشي نظيف مليح ..

طريقة التحضير:

  • في البداية نجيبوا إناء طهي أو قدر كبير شوي نديروا فيه التوابل كااامل .
  • ثم نسكفرجوا الثوم على التوابل للتتبيلة.
  • نحركوهم شوي.
  • ثم نص ملعقة كبيرة طماطم مصبرة {تاع الباااط}
  • ثم نجيبوا 2 ملاعق كبار خل أو عصر الليمون {حسب الرغبة}.
  • نبداو نخلطوا مليح ثم نضيفوا الملح على حساب الدجاج .
  • نظيفوا شويا زيت باش نتحصلوا على الخليط  لي نرقدوا فيه الجاج .
الآن نخليوهم على الأقل ساعة يترقدوا مليح و من ثم نديروا كيس بلاستيكي على الخلطة و نديروا جميع المكونات داخل الثلاجة.
في الوقت لي درنا فيه اللحم يترقد نفوتوا لتحضير الأرز.

2- وصفة الأرز لأم وليد:

طريقة التحظير:

  • عندنا شويا تاع جزر نقعطوه أطراف صغيرة مع حبيبات الجلبانة .
  • نديروهم في الماء ثم نظيفوا الملح .
  • و نخلوه يغلي حوالي 10 دقائق .
و من بعد نديروا الماء يغلي من أجل وضع الروز بداخله.
  • نحاولوا نطيبوه 80% فقط و من بعد نصفوه {باسكوا راح يغلي في الفور}.
  • الكمية على حسب أفراد الأسرة بالطبع.

الآن نلموا كامل المكونات و نديروهم قدامنا باش نبداو التحضير { الدجاج  بالتوابل + الجزر و الجلبانة} و مننساوش نقطعوا حبة طماطم و شوي بصلة حوالي حبة. و من بعد نخرجوا الدجاج من الثلاجة و و نحولوا هاذيك التتبيلة بعد ما شربت كل العقاقر و الثوم و نديروها في طبسي وحدووو. 

الآن الصلصة لي قعدت نديروا فيها البصل و الخضرة لي غليناها في الملح ثم الطماطم و نخلطوا مليح و نزيدوا عليها الكمية تاع الروز و نخلطوا كل شئ مع بعض . 

بعد ذلك نجيبوا كيس الشواء . {  إذا درتي كمية كبيرة من الروز عادي تقدري تقسمي الروز على قسمين} ثم نعمروو  الكيس بالروز و نزيدولوا الدجاج من الفوق . باش كي يطيب يطلق البنة تاعوا على الروز  . الآن نغلقوا الكيس مليح . من بعد نثقبوا الكيس ثقب صغيرة باش يتنفس الكيس .

بعد ذلك نديروه في إناء يكون تاع زجاج باش ندخلوه للفور  

  • درجة الحرارة 200 درجة 
  • المدة حوالي ساعة و نصف {حتى يولي الدجاج طري}

    بعد ما يطيب نقدروا نحمروا الجاج وحدوا إذا حبينا .

    النتيجة:

    دجاج محمر بتتبيل في الأرز | أم وليد 2019 |


    ليست هناك تعليقات:

    إرسال تعليق

    إعلان أسفل المقال

    إتصل بنا

    نموذج الاتصال

    الاسم

    بريد إلكتروني *

    رسالة *